Markmið Knattspyrnudeildar Skallagríms er að reka faglegt, sanngjarnt og sjálfbært starf þar sem reglur eru skýrar, fyrirsjáanlegar og gilda jafnt fyrir alla iðkendur og foreldra.
Þessar reglur eru settar til að tryggja jafnræði, stöðugleika í rekstri og góða þjónustu við iðkendur.
Almenn atriði
- Að loknum tveggja vikna prufutíma þurfa foreldrar eða forráðamenn að skrá iðkanda í Abler og ganga frá greiðslu æfingagjalda.
- Skráning í Abler gildir fyrir hvert tímabil og þarf að endurnýja af foreldrum að loknu tímabili.
- Æfingagjöld hafa verið uppfærð frá fyrra ári til samræmis við aukinn rekstrarkostnað.
- Æfingagjöld skiptast niður á þrjú tímabil: haustönn, vorönn og sumar.
- Veittur er 8% afsláttur ef greitt er fyrir vor og sumar í einu.
- Fyrir þátttöku á dagsmótum þarf að greiða sérstakt mótsgjald, 1000 kr., sem er innheimt til að standa undir þjálfarakostnaði hverju sinni.
- Iðkendur geta nýtt sér frístundastyrk Borgarbyggðar til að lækka æfingagjöld.
- Veittur er systkinaafsláttur fyrir fjölskyldur með fleiri en einn iðkanda.
- Æfingafjöldi er mismunandi eftir flokkum. Í 5. flokki er val um þrjár eða fjórar æfingar í viku á vori og miðast gjald við það.
- Ekki er hægt að greiða fyrir færri æfingar í viku, t.d. eina eða tvær, þar sem æfingagjöld eru reiknuð út frá heildarkostnaði við starfsemina.
- Ef langvarandi aðstæður valda því að iðkandi getur ekki tekið fullan þátt í æfingum er hægt að óska eftir sérstöku mati á æfingagjöldum með því að hafa samband við:
– knattspyrna.formadur@skallagrimur.is
Endurgreiðslur og sérstakar aðstæður
- Æfingagjöld eru almennt ekki endurgreidd eftir að greiðsla hefur farið fram.
- Heimilt er að senda skriflega beiðni til stjórnar ef sérstakar og langvarandi aðstæður eru fyrir hendi, svo sem vegna meiðsla, veikinda eða flutninga.
- Reglurnar gilda jafnt fyrir alla flokka til að tryggja jafnræði og fyrirsjáanleika í rekstri deildarinnar.
Mótsgjöld og ferðalög
- Þjálfarakostnaður á helgarmótum er hluti af mótsgjaldi. Upphæð á hvern iðkanda er 1000 kr. á hvert helgarmót. Gert er ráð fyrir að upphæðin verði endurskoðuð og mögulega hækkuð haustið 2026 í samræmi við kostnaðarþróun. Ef færri iðkendur mæta en áætlað var greiðir félagið mismuninn.
- Knattspyrnudeild Skallagríms greiðir fyrir þjálfara á mótum á vegum KSÍ.
- Foreldrar kosta að jafnaði ferðir og uppihald á mótum (Íslandsmót, Faxaflóamót, TM mót, Orkumót, N1 mót, Símamót, Rey Cup o.fl.). Foreldrafulltrúar hvers flokks hafa umsjón með fjáröflunum til að mæta kostnaði.
Eldri flokkar
- 2., 3. og 4. flokkur hafa í gegnum tíðina æft með ÍA á Akranesi. Stefnt er að því að bjóða upp á æfingar fyrir þessa aldursflokka innan félagsins ef nægur fjöldi næst saman.
Fyrir frekari upplýsingar: knattspyrna@skallagrimur.is
Skráning í Abler
Allir iðkendur í Knattspyrnudeild Skallagríms þurfa að vera skráðir í gegnum Abler. Þar greiðast æfingagjöld og skráning fer fram á einfaldan hátt.
Greiðsla æfingagjalda er forsenda þátttöku á æfingum og mótum.
Iðkendur geta prófað að æfa frítt fyrstu tvær vikurnar. Að þeim tíma loknum þurfa foreldrar eða forráðamenn að skrá iðkanda í Abler og ganga frá greiðslu æfingagjalda.
Ef æfingagjöld hafa ekki verið greidd að loknum tveggja vikna prufutíma getur iðkandi verið afskráður úr Abler og þar með af æfingaskrá þar til greiðsla berst.
Stjórn deildarinnar fer reglulega yfir stöðu æfingagjalda. Slík yfirferð fer fram að lágmarki tvisvar á ári:
• 1. febrúar
• 1. október
Við þessar dagsetningar verða iðkendur sem ekki hafa greitt æfingagjöld afskráðir úr Abler þar til greiðsla berst eða samkomulag hefur verið gert við félagið.
👉 HÉR er hægt að skrá iðkanda í Abler
Svona skráir þú iðkanda:
- Farðu á abler.is eða notaðu Abler appið.
- Skráðu þig inn með rafrænum skilríkjum.
- Veldu Markaðstorg.
- Finndu og veldu Skallagrímur – knattspyrna – (Viðeigandi tímabil 2026).
- Veldu réttan flokk eftir fæðingarári barnsins.
- Smelltu á Skrá / Kaupa.
- Fylltu inn upplýsingar um iðkandann.
- Greiddu æfingagjaldið.
👉 Ef eitthvað er óljóst eða þið þurfið aðstoð við skráningu, ekki hika við að hafa samband á knattspyrna@skallagrimur.is.
👉 Ef foreldrar eða forráðamenn eiga í erfiðleikum með greiðslu æfingagjalda er hægt að hafa samband við félagið til að finna lausn áður en til afskráningar kemur.
Frístundastyrkur Borgarbyggðar
Foreldrar/forráðamenn geta nýtt sér frístundastyrk Borgarbyggðar til að lækka æfingagjöld.
- Styrkurinn þarf að vera valinn og virkjaður í Abler af foreldrum/forráðamönnum.
- Þegar hann hefur verið virkjaður dregst hann sjálfkrafa frá greiðslu.
- Ef hann hefur ekki verið virkjaður er hægt að fara aftur inn í Abler og gera það síðar.
- Styrkurinn er ekki bundinn við eina íþrótt eða eitt félag, hann fylgir barninu og má nota í fleiri en einni íþrótt eða frístundastarfsemi, svo lengi sem heildarupphæðin er ekki búin.
👉 Mikilvægt er að foreldrar muni að velja frístundastyrkinn í Abler, hvort sem það er í fótbolta eða aðra íþrótt, þegar þeir skrá barnið. Annars nýtist hann ekki.
Algengar spurningar
Getur barnið mitt bara æft einu sinni í viku og greitt minna?
Við skiljum vel að þessi spurning komi upp, en æfingagjöldin eru reiknuð út frá heildarkostnaði við starfsemina og laun þjálfara, óháð því hversu margar æfingar hver og einn sækir. Því er ekki hægt að greiða minna þó iðkandi mæti sjaldnar. Undantekning er aðeins í 5. flokki, þar sem sveitabörn hafa ekki akstur á dagtímum þegar bætt er við einni aukaæfingu.
Nýtist frístundastyrkur sjálfkrafa?
Nei. Foreldrar þurfa að velja styrkinn í Abler þegar barnið er skráð. Ef hann er virkjaður dregst hann sjálfkrafa frá greiðslunni.
Get ég notað frístundastyrkinn í fleiri en eina íþrótt?
Já. Styrkurinn fylgir barninu og er ekki bundinn við eitt félag eða eina íþrótt. Hann má nota í fleiri en einni frístund svo lengi sem heildarupphæðin er ekki búin.
Getur barnið prófað að æfa áður en það er skráð?
Já. Iðkendur geta prófað að æfa frítt fyrstu tvær vikurnar áður en skráning í Abler er gerð.
Hvað með 2. og 3. flokk?
Þeir hafa í gegnum tíðina æft með ÍA á Akranesi. Við erum þó opin fyrir því að bjóða upp á æfingar hjá Skallagrími ef nægur fjöldi næst saman. Fyrir frekari upplýsingar: knattspyrna@skallagrimur.is.
Hvað ef ég á í vandræðum með skráningu í Abler?
Endilega hafið samband við okkur á knattspyrna@skallagrimur.is og við leiðbeinum ykkur.