Boðið verður upp á 4 vikna skriðsundsnámskeið í sundlauginni í Borgarnesi og hefst það þriðjudaginn 14. febrúar.
Kennt verður á þriðjudögum og fimmtudögum milli kl. 17.30 og 18.15 í alls 8 skipti.
Námskeiðið er fyrir fullorðna byrjendur sem vilja öðlast grunnfærni í skriðsundi til að geta nýtt sér sund sem almenna heilsueflingu. Áhersla verður á rétta tækni, öndun, líkamslegu og samhæfingu.
Með æfingum í vatni fæst alhliða þjálfun sem reynir á styrk, þol og liðleika og vatnið veitir mótstöðu þar sem minna álag er á liði og liðamót en þegar æfingar eru gerðar á þurru landi. Sund er góð alhliða hreyfing sem hentar flestum og það er ákaflega skemmtilegt að ná grunntækni í skriðsundi.
Verð: 16.000.-
Leiðbeinandi á námskeiðinu: Arnheiður Hjörleifsdóttir
Skráningarfrestur er til 7. febrúar.
Ná þarf lágmarksþátttakendafjölda svo námskeiðið verði haldið.
Skráning fer fram í gegnum Sportabler: Sportabler | Vefverslun
Hægt er að fá aðstoð við skráningu og nánari upplýsingar hjá Bjarneyju, framkvæmdastjóra UMSB: bjarney@umsb.is
Deildu þessari frétt