Mikil stemning var á unglingalandsmóti UMFÍ sem haldið var á Sauðárkróki um verslunarmannahelgina. Veðrið lék við þátttakendur og var mikil gleði.
Rúmlega 1000 keppendur voru skráðir til leiks, þar af 50 keppendur frá UMSB. Tókst mótið vel til og er mikil tilhlökkun fyrir næsta ári þegar unglingalandsmótið verður haldið í Borgarbyggð.
Bæði keppendur og aðstandendur skörtuðu bláum bolum með auglýsingu fyrir landsmótið í Borgarbyggð á næsta ári, virkilega skemmtilegt og á stjórn UMSB hrós skilið fyrir að gera svona vel við sitt fólk en ásamt því að gefa öllum boli var þátttökugjaldið niðurgreitt um helming.
Hér fyrir neðan má sjá myndir af verðlaunahöfum og fleiri svipmyndir frá mótinu þar sem unglingalandsmót snýst ekki bara um keppni heldur að mæta og taka þátt og hafa gaman bæði innan og utan vallar.
Setningin fór fram á föstudagskvöldinu, hér má sjá keppendur UMSB ganga inn á völlinn.
Glæsilegur hópurinn frá UMSB
Hafþór Atli (til vinstri) reið á vaðið og keppti í golfi á fimmtudeginum og varð þar í 3. sæti, fyrsti verðlaunapeningur UMSB á ULM 2023, en ekki sá síðasti.
Stemningsmenn stóðu undir nafni, bæði innan og utan vallar.
.
Klemmaborgararnir stóðu sig vel í fótboltanum
Sóley Rósa varð unglingalandsmótsmeistari í 600 metra hlaupi í flokki 11 ára stúlkna.
Purple beez, blandað lið UMSB, UDN og ÍA, var með gull í fótbolta í flokki 15-16 ára.
Glæsilegur hópur
Pink ladies lentu í 3. sæti í grashandbolta í flokki 11 – 12 ára.
Guðmundur Bragi gerði sér lítið fyrir og náði í silfur í kúluvarpi í flokki 16 – 17 ára.
Helga Laufey tók gull í 100 metra bringusundi og brons í 100 metra fjórsundi
Kristján Karl og Erni Daði stóðu sig líka vel í sundinu og komust báðir á pall.
Og klikkuðu að sjálfsögðu ekki á að halda uppi stemningunni, enda Stemningsmenn! Hér eru þeir félagar ásamt Hlyni Blæ í góðu stuði.
Bleikir bananar urði í 1. sæti í grasblaki í flokki 13 -14 ára drengja.
Stelpurnar í Bláber urðu í 2. sæti í körfubolta í flokki 15 – 16 ára stúlkna.
Pink Ladies nældu sér í silfur í flokki 11 – 12 ára stúlkna í körfuknattleik.
Eysteinn Ari varð unglingalandsmótsmeistari í kökuskreytingum í flokki 13-14 ára.
Baking bad, Embla Björg og Laufey, hlutu silfur í kökuskreytingum í flokki 11 – 12 ára.
Einbeitingin í hámarki!
Sædís Suarez hreppti bronsið í kökuskreytingum í flokki 15-18 ára.
Falleg kakan hjá Valdísi.
Mikill metnaður var hjá keppendum!
Enda glæsileg útkoma hjá þeim Þórarni og Bergdísi!
Katla Karen og Sigrún að vinna að meistaraverkinu sínu...
..sem var ekki bara flott heldur heldur hentaði líka afskaplega vel í kökuslag!
Í upplestrarkeppninni náði Ernir Daði 3. sætinu í flokki 15 – 18 ára.
Hægt var að prófa ýmsar greinar, s.s. bogfimi
Virkilega vel heppnað mót og var UMSB til mikillar fyrirmyndar bæði innan og utan vallar.
Deildu þessari frétt